ملتقى أبناء النيل

أهلاً وسهلاً بك ضيفنا الكريم، إذا كانت هذه زيارتك الأولى للمنتدى، فيرجى التسجيل لكي تتمنع بكافة الصلاحيات في المنتدى وتذكر دائما وجودك يهمنا......




نفسى أوصلك يارب"كلام من القلب للقلب"3 31

انضم إلى المنتدى ، فالأمر سريع وسهل

ملتقى أبناء النيل

أهلاً وسهلاً بك ضيفنا الكريم، إذا كانت هذه زيارتك الأولى للمنتدى، فيرجى التسجيل لكي تتمنع بكافة الصلاحيات في المنتدى وتذكر دائما وجودك يهمنا......




نفسى أوصلك يارب"كلام من القلب للقلب"3 31

ملتقى أبناء النيل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى أبناء النيل

دخول

لقد نسيت كلمة السر

أهلا وسهلا بجميع الزوار والأعضاء

اهلا بيك بين اهلك وناسك

المواضيع الأخيرة

» روابط تحميل برنامج الجوز 8 الناطق للمكفوفين jaws 8.0
نفسى أوصلك يارب"كلام من القلب للقلب"3 Emptyالثلاثاء نوفمبر 20, 2012 8:33 pm من طرف karema

» أاااااه لو تقبلنى يارب "كلام من القلب للقلب"3
نفسى أوصلك يارب"كلام من القلب للقلب"3 Emptyالثلاثاء أكتوبر 04, 2011 1:54 pm من طرف هبه الحمزاوى

» أاااااه لو تقبلنى يارب "كلام من القلب للقلب"2
نفسى أوصلك يارب"كلام من القلب للقلب"3 Emptyالإثنين أكتوبر 03, 2011 11:23 am من طرف هبه الحمزاوى

» أاااااه لو تقبلنى يارب "كلام من القلب للقلب"
نفسى أوصلك يارب"كلام من القلب للقلب"3 Emptyالأحد أكتوبر 02, 2011 12:26 pm من طرف هبه الحمزاوى

» نفسى اشوفك يارب "من القلب للقلب"
نفسى أوصلك يارب"كلام من القلب للقلب"3 Emptyالسبت أكتوبر 01, 2011 11:57 am من طرف هبه الحمزاوى

» نفسى أوصلك يارب"كلام من القلب للقلب"3
نفسى أوصلك يارب"كلام من القلب للقلب"3 Emptyالجمعة سبتمبر 30, 2011 12:44 pm من طرف هبه الحمزاوى

» نفسى أوصلك يارب"كلام من القلب للقلب"2
نفسى أوصلك يارب"كلام من القلب للقلب"3 Emptyالأربعاء سبتمبر 28, 2011 8:47 am من طرف هبه الحمزاوى

» نفسى أوصلك يارب "كلام من القلب للقلب"
نفسى أوصلك يارب"كلام من القلب للقلب"3 Emptyالثلاثاء سبتمبر 27, 2011 4:06 pm من طرف هبه الحمزاوى

» ميزة انك تبقى قاعد بتذاكر جمب بنت
نفسى أوصلك يارب"كلام من القلب للقلب"3 Emptyالجمعة أغسطس 26, 2011 8:47 pm من طرف м̲̅я̲̅.αℓ- ƺτ̲̣α̣ίвί

» رابط مشاهدة دوري البطال بث مباشر art
نفسى أوصلك يارب"كلام من القلب للقلب"3 Emptyالخميس أبريل 21, 2011 2:56 am من طرف ابراهيم

» بنت رسبت في الثانوية العامة شوفو عملت ايه..
نفسى أوصلك يارب"كلام من القلب للقلب"3 Emptyالإثنين أبريل 18, 2011 9:42 pm من طرف youssef2002

» برنامج Microsoft Virtual PC 6.1 / Virtual PC SP1 6.0.192.0 Windows XP Mode for Windows 7
نفسى أوصلك يارب"كلام من القلب للقلب"3 Emptyالثلاثاء مارس 15, 2011 5:10 am من طرف adgjmpt332

» الموضوع الأول المدير العام
نفسى أوصلك يارب"كلام من القلب للقلب"3 Emptyالأحد فبراير 20, 2011 5:35 am من طرف Ø§Ù„مدير العام

» مواقف مضحكة
نفسى أوصلك يارب"كلام من القلب للقلب"3 Emptyالإثنين فبراير 07, 2011 8:15 am من طرف MOHAMED ENTER

» بعد اذنك يامدير
نفسى أوصلك يارب"كلام من القلب للقلب"3 Emptyالأربعاء يناير 26, 2011 5:08 pm من طرف Ø§Ù„مدير العام

» صوت معانا
نفسى أوصلك يارب"كلام من القلب للقلب"3 Emptyالأحد يناير 23, 2011 4:19 pm من طرف (MR.HIMO)

» هل ترضي الآخرين على حساب نفسك ؟؟
نفسى أوصلك يارب"كلام من القلب للقلب"3 Emptyالخميس يناير 13, 2011 5:30 am من طرف الملكة السمراء

» قصه ممتعه لشاب في الجامعه
نفسى أوصلك يارب"كلام من القلب للقلب"3 Emptyالخميس يناير 13, 2011 5:27 am من طرف الملكة السمراء

» (( القســــــوة تقتــــــل الحـــــــــب !!!! ))
نفسى أوصلك يارب"كلام من القلب للقلب"3 Emptyالخميس يناير 13, 2011 5:25 am من طرف الملكة السمراء

» في عينك دمعة على مين هتنزل
نفسى أوصلك يارب"كلام من القلب للقلب"3 Emptyالخميس يناير 13, 2011 5:19 am من طرف الملكة السمراء

من يوم 6 "11"2009 أنت الزائر رقم

.: عدد زوار المنتدى :.


    نفسى أوصلك يارب"كلام من القلب للقلب"3

    هبه الحمزاوى
    هبه الحمزاوى
    عضو منا وفينا
    عضو منا وفينا


    الجنس : انثى
    الميزان عدد المساهمات : 7
    نقاط : 21
    السٌّمعَة : 5
    تاريخ الميلاد : 26/09/1989
    تاريخ التسجيل : 27/09/2011
    العمر : 34

    نفسى أوصلك يارب"كلام من القلب للقلب"3 Empty نفسى أوصلك يارب"كلام من القلب للقلب"3

    مُساهمة من طرف هبه الحمزاوى الجمعة سبتمبر 30, 2011 12:44 pm

    السلام عليكم ورحمة الله وبركاته

    اخوتى فى الله كيف حالكم مع الله؟ ثم كيف حالكم مع أنفسكم؟
    أرجوا من الله أن تكونوا بخير

    نبدأ الآن فى عرض الجزء الثالث والاخير من الدرس الاول
    فتابعونى أحبكم الله:

    كلام ربنا ياجمااعه لما نعيييش معااه
    لو فتحت أي صفحه من المصحف...نووور نووور نووور
    لو فتحت أي صفحه من المصحف..أي صفحه في كلام ربنا...نوووور نوووور نوووور
    تضيعوا الكنز بتاع عمركوا لييييييييييه؟؟؟
    إنت عارف ربنا عظيم أد إييييييييييييه؟؟
    يااااااتري مقام ربنا في قلبِك أد إييييييييييه؟؟؟
    ياتري ربنا بيمثل بالنسبه لك إييييييييييه؟؟؟
    ياتري إنت حاسس بعظمه ربنا سبحانه وتعالي وكرم ربنا سبحانه وتعالي ..أد إييييييييييه؟؟
    ياااتري ياجماعه إحنا عايشيين مع عظمه الملك الجليل سبحاانه وتعالي أد إيييييييييه؟؟؟؟
    إنت عارف عقوبه ربنا أد إيييييييييه؟؟عقووبه ربنا إيييييييييه!!!!!!!
    إحنا بنتكلم عن الرحمه والحب!!
    بس ربنا شديد العقاب..
    عندنا الزلازل والبراكين والعواصف

    وده من تهديدات ربنا للناس..كل دي تحذيرااات وتهديداات وإنذارات من الملك
    كل دي وبعد كل ده لسه بنتجرأ علي ربنا
    ياجرأه العصااااااااه..علي الله
    ياجرأتهم عليك يا ملك ياجليل
    تلاقي البنت ماشيه جريئه علي ربنا في لبسها جرأه...إيه ده؟؟؟
    إيه يابنتي اللي إنتي عاملاه في نفسك ده؟؟
    إيه الجرأه اللي إنتي فيها علي الله دي؟؟
    والناس اللي واقفه في الشارع واقفه تبصلها بجرأه لا تقل عن جرأتها علي الله
    لغايه ماتيجي واحده أجرأ منها علي الله في لبسها...يسيبوا دي ويقعدوا يبصوا للثانيه
    عفن...مستنقع عفن.. مستنقع والعياذ بالله ...إيييييه ده ؟؟؟إيه ده ياإخواااااانا؟؟؟
    ياجماعه إيه الجرأه علي الله دي؟؟؟

    حديث للرسول صلي الله عليه وسلم...قال رسول الله صلي الله عليه وسلم:-
    ((لما غلام ليه سرق حته من الغنايم وبعد كده ماات في الغزوه فالصحابه بيقولوا هنيئا له..الرسول صلي الله عليه وسلم قال لا ...إن الشمله التي إشتملها((حته الغنايم اللي سرقها))لتستعر عليه نار في قبره...
    خاافي لو فضلتي بشعرك..شعرك يستعر عليكي نار في قبرك
    خافي لو فضلتي بالبنطلون اللي بتلبسيه..يستعر عليكي نار في قبرك
    خاف لو فضلت تركب العربيه اللي جبتها من مال حرام..تستعر عليك نار في قبرك
    خاف لو فضلت تمسك إيد فلانه اللي مفيش أي علاقه شرعيه بينَك وبينها...إيدك تستعر عليك ناار في قبرك
    خاااااااااااااافوا ياجماعه...حاسب ياحبيب قلبي من أي نظره حرام تنظرها ترجعك في إلتزامك خمس سنين ورا
    وحااسبي من أي لبس ربنا سماه تبرج لأن الرسول صلي الله عليه وسلم قال((إلعنوهن فإنهن ملعووونات))بتتلعن..
    تخيلي واحده ملعوونه وقفت بين إيدين ربنا بتتحاسب يوم القيامه...
    هيعمل فيها إيه ربنا سبحانه وتعالي؟؟
    وهو لعنها في الدنيا سبحانه وتعالي
    ياااااااااااجرأتنا علي الله..كفايه جرأه علي ربنا بالمعاصي...إنت عارف لما ربنا بيغضب بيحصل إيييييييييييه؟؟؟
    لما ربنا غضب علي فرعون...جبريل بقي بيحط في بقه الطين وهو بيغرق مخافة أن يقول لا إله إلا الله
    لما جنرالات في تركيا أغضبوا ربنا ورموا المصحف علي الأرض...ربنا لما غضب زلزال في 40 ثانيه مات فيه 40 ألف واحد
    لما ربنا بيغضب
    السرطان بتاع الأطفال بيبقي ليه معهد قومي!!
    والطقس بيتغير والدنيا بتبقي ناار بعد ماكان الطقس جميل وأحسن من كده1000 مره
    والمرض بينتشر
    ومعدتش الأرض بتطلع الزرع بتاع زماان
    والمطر بيقل
    والبطاله مفيش شغل
    وكل حاجه بتبوظ
    لما ربنا بيغضب
    ياجماعه لما واحد بيروح مفتش في الشغل ويلاقي الموظف مقصر بيعمله لفت نظر...90% من عقوبااات حياتنا لفت نظر
    المادتين اللي سقطت فيهم..وتأخر الزواج..والشغلانه اللي إنت مش عارف تمشي فيها كويس...كل ده لفت نظر
    إنما لو ربنا غضب...أجاااااااارنا الله..أجارنا الله سبحانه وتعالي
    إنت عارف رقابه ربنا عليك أد إيييييييييه؟؟؟رقابه ربنا عليه أد إييييييييييييه إزاااااااااي؟؟؟
    ياحبيب قلبي ده إنت أعضاؤك دي هتشهد عليك يوم القيامه..يعني إييييه؟؟
    يعني دي كاميرااات مراقبه
    يعني إيدي دي كاميرات مراقبه ليه
    يعني رجلي دي كاميرا مراقبه ليه
    ده إنت مترااقب بجسمك ..ده إنت متراقب من جوااك..هترووووووووح فيين؟؟؟
    إنت تعرف في ملكين بيراقبوا كل حاجه بتعملها..يعني إييييييه؟؟
    يعني تخيل إنك روحت تشتغل في وظيفه معينيين لكل موظف في المصلحه دي موظفين إثنين واقفين علي رقبته عشان يسجلوا عليه كل حاجه بيعملها...
    يانهااااااااار أبيض إيه ده؟؟؟وده ممكن يحصل..
    ربنا عملها معانا سبحانه وتعالي
    تخيل إنت مراقب أد إيييييييه بقه؟؟
    يبقي المهمه بتاعتك خطيييييره جدا
    إنت مراقب لدرجه إ ربنا نفسه مراقبك...
    إتق الله..إتق عين الله ..إتق عين الله..لا تجعل الله أهون الناظرين إليك
    إتقوا نظر الله إليكم ياجماااااعه في أي معصيه
    إحنا يا إخوانا عايزين نعرف ربنا...عايزين نعرفه سبحانه وتعالي
    انا كلمتكوا لمحااااات سريعه عن ربنا...
    إنما إحنا شعارنا
    ((عايزين نوصل في الطريق لربنا سبحانه وتعالي))
    شعااااااارنا منايا أوصلك يااااارب


    عايزين نتعلم الثقه في ربنا؟؟
    بعد كده الإخلاص لله...خشيه الله...حب الله...الإفتقار إلي الله..اليقين في الله..إزااااااااااي المعاني دي تملا قلوبنا
    إزااااااااي نوصل للمعاني اللي الصالحين لما وصلولهاحياتهم كلها إتغيرت...
    إزااااي نتعلم إن إحنا نقف علي باب ربنا لغايه ماينزل هذه المعاني في قلوبنا والباب يتفتحلنا.......


    أنا كلمتكوا النهارده عن إيييييييه؟؟؟
    إنت عارف حب ربنا ليك أد إيييييييييه؟؟؟
    أد إيييييييه بيحبك؟؟؟أد إييييييييييه ممكن العرش يهتز لموتك من حب ربنا ليك؟؟
    إنت عارف نعم ربنا عليك أد إييييييييه؟؟
    بص في المستشفيااااات كل مرض واحد اُبتلي بيه نعمه من نعم ربنا اللي إدهاااالك بس إنت مش حاسس بيها
    إنت عااااارف رحمة ربنا سبحانه وتعالي بيك أد إييييييييييه؟؟؟
    أد إييييييه الملك الجليل سبحانه وتعالي رحيم بينا يااااجماعه.؟؟؟..رحمه عظيييمه



    إنت عارف كرم ربنا سبحانه وتعالي أد إييييييييه؟؟
    إنت عارف كرم ربنا الجليل كرمه في الدنيا ويوم القيامه؟؟

    إنت عارف حكمه ربنا أد إيييييييييه؟؟
    إوع تسخط في إبتلاااااء
    إنت عارف عظمه ربنا أد إييييييه؟؟
    عايزكوا تفتكروا وإنتوا بتقولوا سبحان الله وبحمده طول اليوم أو أذكار الصباح والمساء..



    عايزكوا تفتكروا وإنتوا بتقولوا سبحان ربي الأعلي
    ال36 ملياااااااااااار سنه ضوئيه اللي مليااااااانين ملائكه..زي منظر الحرم بالظبط ليله 27 رمضان
    إنت عارف قدره ربنا أد إييييييييه؟؟
    ال100 ملياااار نيزك وشهااب اللي بيطوفوا بالكون دول وممكن يترجم بيهم أي عاصي
    ربنا قدير ياجماااعه وجسمك اللي مليان بقدره الله نعم ...وإنت قاعد دلوقتي..ربنا قدير ياجمااااعه
    اللي ربنا شفاها من السرطاااان...واللي ربنا شفاه من العمي
    ربنا قديييييييييير ياجماااااااعه
    ((لا تلتفتوا عن الله..فيلتفت الله عنكم))
    إوعووووووووووا..اللي ضيع إبليييس إنه إلتفت عن ربنا لنفسه وقاااااال((أنا خير منه))
    اللي خرج آدم من الجنه إنه إلتفت للشجره
    إووووع تلتفت للدنيا...إوع تلتفت لأي حاجه غير ربنا
    إستقم..ثم إستقم
    أقبل علي ربنا قوله عجلت إليك ربي لترضي
    عشاااان يقولك إني إصطفيتك علي الناس..يصطفيك بمايشااااءمن العطايا والمنح والهباات والنفحاات



    النبي صلى الله عليه وسلم بيقول..
    ((لو أن الدنيا تعدل عند الله جناح بعوضه ..جناح بعوضه..ماسقي منها كافر شربه ماء))
    جناح بعوضه..ده النبي جمع فيها أوصاف الدنيا كلها إزااااااي؟؟
    ده كلام النبي صلي الله عليه وسلم
    إيييييييييه البعوضه دي؟؟
    أول حاجه البعوضه دي في المستنقعاات يعني قذاره وحقااااره ..دي الدنيا
    تااني حاجه البعوضه دي بتنقل الأمرااض..أمراض القلب اللي ربنا هيشوفها في قلبك ساعه ماتتعرض عليه سبحانه وتعالي لو موجوده...إبعد عنها عشان متتعداش والعياذ بالله عشان العدوي..الوباءاللي عند البعوض ده
    بعد كده البعوض ده كائن كريه جدا عند الناس..الناس بتكرهه جداااااا جداا...يبقي الدنيا دي المفروض ننفر منها أصلا
    البعوضه دي لما تدخل غرفه والبعوضه تقعد تزن تنتبه ليها وتنشغل عن الباقي..هي بتشغلك عن الحاجات المهمه كده
    والبعوضه دي بتموت بسرعه جداا..دوره حيااتها قصيييييره جدا
    الدنيا زائله بسرعه..بتروح بسرعه..بتضيع بسرعه
    كل حاجه بتنتهي بسرعه..خليييييك في الباقيه بقه..
    خليك مع الباقي الملك الجليل سبحااااااانه وتعالي
    والبعوضه دي حجمها بالنسبه للغرفه زي حجم الكره الأرضيه بالنسبه للسماء بالظبط
    فالبعوضه دي حقيره جدا...الدنيا دي حقيره ولا تستاهل ولا تسوي والله ياجماااااااعه
    البعوضه دي...
    تخيل لو واحد واخد كرسي كل يووم وطالع علي مستنقع ويقوم حاطط الكرسي ويقعد هايم ياعيني..قاعد يبص للمستنقع..إييييييه يابني ماالك؟؟
    بحب بعوضه هنا وكل يوم 10 ساعاات أقعد أبصلها بس هي ترضي؟؟
    تقولوا عليه إييييييه؟؟؟مجنوون..مجنووووون
    حد يحب الدنيا..حد يحب الدنيا ياجماااااعه؟؟
    ولا واحد قاعد يجري عشان يشتري جناح بعوضه هيعمل بيه إيييييه؟؟
    حد يحب النيا؟؟
    كل واحد مننا في حيااااااته بعوضه!!
    إيه البعوضه اللي في حيااتك؟؟إيه البعوضه اللي في حياتِك؟؟
    إيييييييييه جناح البعوضه اللي معطلك عن ربنا سبحااااااانه وتعالي؟؟
    إحدي النسااء زوجها جابلها طقم ألماظ ..ألماظ وهو فالصو
    بعد أربع سنين من الزواج اكتشفت انه فالصو..يوم ماجابهولها كان إحساسها إيييييييييه؟؟
    كل ماتعرضه علي الناس والناس تنبهر..الناس دي بتقول إيييه؟؟
    وهي فرحتها شكلها إييييه؟؟
    كل يومين تفتح الدولاب وتطمئن علي طقم الألماظ
    سااااعه ما اكتشفت انه فالصو..ياتري كان إحساسها إييييييه؟؟
    ياتري كان صدمتها إييييييييه؟؟
    ياجمااعه الدنيا الفالصو اللي إحنا بنحسبها ألماظ دي...في ناس فضلت مخدوعه فيها طول عمرها ولما نزلت في القبر اكتشفت إنها فالصو
    الست دي فااقت بعد أربع سنين ..في ناس مبتفوقش غير يوم القياامه..في ناس مبتفهمش إنها فالصو غير يوم القيامه
    عاااااااايزين نعرف حقيقه الدنيا
    لو أحد الملوك قبل مايموت دخل عليه الدكاتره قالوله إنت ممكن تعيش 10 سنين بس تتنازل عن ملكك..يقول إييييييييه؟؟
    يقول أعيش ساعه واحده وخدوا ملكي...يعني إنت شهر فى عمرك أغلي من ملك ملوك الدنيا كله يااجماعه
    عااايزين نستغل عمرنا ..عايزين نفوق..قلبي وقلبك..عااااايزين نفوق لقلوبنا بقه..
    ياااااجماعه الطاعه أجمل من المعصيه..زي ماالجنه أحلي من الدنيا
    يابنتي..ياحبيب قلبي..ياوالدي في الله
    الطاعه أقوي من المعصيه..زي ماربنا سبحانه وتعالي أقوي من إبليييس
    ياجماعه والله العظيم مالينا نجاه في الأخره غير بالعمل الصالح.
    عملك الصالح هو اللي هينفعك...عملك الصالح هو اللي هيقف بينك وبين النار حجاب هو اللي هينزل معاك قبرك...هو اللي هيُعرض معاك علي الله...عملك الصالح
    لما الإنسان بيموت ..أهله بيجروا في الجنازه وتصريح الدفن..
    مفيش حد بيعمله عمل صالح خلااااااااص
    عملك الصالح هو اللي هينفعك
    ياجمااااعه عايزين نفوق ..عايزين نفوق في علاقتنا بالله سبحاانه وتعالي..عايزين نفوق
    عشان كده سلسله منايا أوصلك ..سلسله في الطريق إلي الله
    منطلقين في الطريق إلي الله سبحانه وتعالي برغبه عارمه في الوصول إلي الله سبحااااانه وتعالي..
    هيبقي شعارنا
    منااانا نوصلك يااارب
    مناانا نوصلك
    مناكي توصليله ويقبَلِك؟؟
    وشعار حياتِك إقبلني يااااااارب..وهتعملي أي حاجه عشان يقبلك؟؟
    وهنضحي بأي حاجه بينك وبينه عشاان يقبلك ويفتحلك بابه؟؟


    والله العظيم ما بمزاجك هتطيع ربنا ...قسما بالله ما بمزاجِك هتقدري تفوزي ...
    ياجماعه الطاعه فتح من ربنا..هنصبر وهنشتغل عشاااااااان ربنا يفتح علينا ولا لأ
    ((علي قدر مقام الله عندك ..علي قدر مقامك عند الله))
    لو ربنا عَظُم في قلوبنا الفتره دي..ربنا هيفتح علينا



    اللهم تب علينا..اللهم صلنا بك..اللهم وصلنا إليك..اللهم أصلح قلوبنا..إهدي قلوبنا..اللهم إجعلنا مخلِصين لك..مخلَصين لك...
    اللهم إهدنا وسددنا ويسر الهدي لنا وإستعملنا ولا تستبدلنا وأفض علي قلوبنا من أنوارك ورحمااتك

    وبهذا نكون قد انتهينا من الدرس الاول
    انتظروا درس جديد غداً إن شاء الله

    سبحانك اللهم وبحمدك أشهد أن لا إله إلا أنت أستغفرك وأتوب إليك.

    والسلام عليكم ورحمة الله وبركاته

      الوقت/التاريخ الآن هو الثلاثاء مارس 19, 2024 4:55 pm