ملتقى أبناء النيل

أهلاً وسهلاً بك ضيفنا الكريم، إذا كانت هذه زيارتك الأولى للمنتدى، فيرجى التسجيل لكي تتمنع بكافة الصلاحيات في المنتدى وتذكر دائما وجودك يهمنا......




أاااااه لو تقبلنى يارب "كلام من القلب للقلب" 31

انضم إلى المنتدى ، فالأمر سريع وسهل

ملتقى أبناء النيل

أهلاً وسهلاً بك ضيفنا الكريم، إذا كانت هذه زيارتك الأولى للمنتدى، فيرجى التسجيل لكي تتمنع بكافة الصلاحيات في المنتدى وتذكر دائما وجودك يهمنا......




أاااااه لو تقبلنى يارب "كلام من القلب للقلب" 31

ملتقى أبناء النيل

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ملتقى أبناء النيل

دخول

لقد نسيت كلمة السر

أهلا وسهلا بجميع الزوار والأعضاء

اهلا بيك بين اهلك وناسك

المواضيع الأخيرة

» روابط تحميل برنامج الجوز 8 الناطق للمكفوفين jaws 8.0
أاااااه لو تقبلنى يارب "كلام من القلب للقلب" Emptyالثلاثاء نوفمبر 20, 2012 8:33 pm من طرف karema

» أاااااه لو تقبلنى يارب "كلام من القلب للقلب"3
أاااااه لو تقبلنى يارب "كلام من القلب للقلب" Emptyالثلاثاء أكتوبر 04, 2011 1:54 pm من طرف هبه الحمزاوى

» أاااااه لو تقبلنى يارب "كلام من القلب للقلب"2
أاااااه لو تقبلنى يارب "كلام من القلب للقلب" Emptyالإثنين أكتوبر 03, 2011 11:23 am من طرف هبه الحمزاوى

» أاااااه لو تقبلنى يارب "كلام من القلب للقلب"
أاااااه لو تقبلنى يارب "كلام من القلب للقلب" Emptyالأحد أكتوبر 02, 2011 12:26 pm من طرف هبه الحمزاوى

» نفسى اشوفك يارب "من القلب للقلب"
أاااااه لو تقبلنى يارب "كلام من القلب للقلب" Emptyالسبت أكتوبر 01, 2011 11:57 am من طرف هبه الحمزاوى

» نفسى أوصلك يارب"كلام من القلب للقلب"3
أاااااه لو تقبلنى يارب "كلام من القلب للقلب" Emptyالجمعة سبتمبر 30, 2011 12:44 pm من طرف هبه الحمزاوى

» نفسى أوصلك يارب"كلام من القلب للقلب"2
أاااااه لو تقبلنى يارب "كلام من القلب للقلب" Emptyالأربعاء سبتمبر 28, 2011 8:47 am من طرف هبه الحمزاوى

» نفسى أوصلك يارب "كلام من القلب للقلب"
أاااااه لو تقبلنى يارب "كلام من القلب للقلب" Emptyالثلاثاء سبتمبر 27, 2011 4:06 pm من طرف هبه الحمزاوى

» ميزة انك تبقى قاعد بتذاكر جمب بنت
أاااااه لو تقبلنى يارب "كلام من القلب للقلب" Emptyالجمعة أغسطس 26, 2011 8:47 pm من طرف м̲̅я̲̅.αℓ- ƺτ̲̣α̣ίвί

» رابط مشاهدة دوري البطال بث مباشر art
أاااااه لو تقبلنى يارب "كلام من القلب للقلب" Emptyالخميس أبريل 21, 2011 2:56 am من طرف ابراهيم

» بنت رسبت في الثانوية العامة شوفو عملت ايه..
أاااااه لو تقبلنى يارب "كلام من القلب للقلب" Emptyالإثنين أبريل 18, 2011 9:42 pm من طرف youssef2002

» برنامج Microsoft Virtual PC 6.1 / Virtual PC SP1 6.0.192.0 Windows XP Mode for Windows 7
أاااااه لو تقبلنى يارب "كلام من القلب للقلب" Emptyالثلاثاء مارس 15, 2011 5:10 am من طرف adgjmpt332

» الموضوع الأول المدير العام
أاااااه لو تقبلنى يارب "كلام من القلب للقلب" Emptyالأحد فبراير 20, 2011 5:35 am من طرف Ø§Ù„مدير العام

» مواقف مضحكة
أاااااه لو تقبلنى يارب "كلام من القلب للقلب" Emptyالإثنين فبراير 07, 2011 8:15 am من طرف MOHAMED ENTER

» بعد اذنك يامدير
أاااااه لو تقبلنى يارب "كلام من القلب للقلب" Emptyالأربعاء يناير 26, 2011 5:08 pm من طرف Ø§Ù„مدير العام

» صوت معانا
أاااااه لو تقبلنى يارب "كلام من القلب للقلب" Emptyالأحد يناير 23, 2011 4:19 pm من طرف (MR.HIMO)

» هل ترضي الآخرين على حساب نفسك ؟؟
أاااااه لو تقبلنى يارب "كلام من القلب للقلب" Emptyالخميس يناير 13, 2011 5:30 am من طرف الملكة السمراء

» قصه ممتعه لشاب في الجامعه
أاااااه لو تقبلنى يارب "كلام من القلب للقلب" Emptyالخميس يناير 13, 2011 5:27 am من طرف الملكة السمراء

» (( القســــــوة تقتــــــل الحـــــــــب !!!! ))
أاااااه لو تقبلنى يارب "كلام من القلب للقلب" Emptyالخميس يناير 13, 2011 5:25 am من طرف الملكة السمراء

» في عينك دمعة على مين هتنزل
أاااااه لو تقبلنى يارب "كلام من القلب للقلب" Emptyالخميس يناير 13, 2011 5:19 am من طرف الملكة السمراء

من يوم 6 "11"2009 أنت الزائر رقم

.: عدد زوار المنتدى :.


    أاااااه لو تقبلنى يارب "كلام من القلب للقلب"

    هبه الحمزاوى
    هبه الحمزاوى
    عضو منا وفينا
    عضو منا وفينا


    الجنس : انثى
    الميزان عدد المساهمات : 7
    نقاط : 21
    السٌّمعَة : 5
    تاريخ الميلاد : 26/09/1989
    تاريخ التسجيل : 27/09/2011
    العمر : 34

    أاااااه لو تقبلنى يارب "كلام من القلب للقلب" Empty أاااااه لو تقبلنى يارب "كلام من القلب للقلب"

    مُساهمة من طرف هبه الحمزاوى الأحد أكتوبر 02, 2011 12:26 pm

    السلام عليكم ورحمة الله وبركاته

    كيف حالكم مع الله؟ ثم كيف حالكم مع انفسكم؟
    ادعوا الله ان تكونوا بخير

    اليوم سيكون درسنا درس "من نوع خاص" درس ليس أى شخص يستطيع أن يفهمه، درس إن دخل الى قلوبنا لن يخرج منها الى يوم نبعث، درس بعنوان "أاااه لو ترضى عنى"
    فتابعوا معى:

    الحمد لك ربى حمداً كثيراً طيباً مباركاً فيه، الحمد لك ملئ السماوات وملئ الأرض وملئ ما شئت بعد، والحمد لك ربى كما ينبغى لجلال وجهك وعظيم سلطانك، والحمد لك ربى حتى ترضى والحمد لك إذا رضيت، ولك الثناء كله والحمد كله والشكر كله.
    اللهم صلى على محمد وعلى آل محمد كما صليت على آل إبراهيم فى العالمين إنك حميد مجيد، اللهم بارك على محمد وعلى آل محمد كما باركت على آل إبراهيم فى العالمين إنك حميد مجيد.
    أما بعد:
    النهاردة لنا وقفة من نوع خاص اوى، لنا وقفة مع الشباب والبنات اللى بيقولوا احنا مقصرين فى حق ربنا ازاى ندعى حد اللى بيقولك هو انا عارف اسلك بنفسى لما هانصح الناس، والتانى اللى بيقولك لا انا مادعيش حد اصل اقوله حاجه ويعمل حاجة غلط واتحملها انا، والتالت اللى بيقولك معنديش القدرة عالدعوة والرابع اللى بيقول اصل انا بتحرج....واللى.........الخ
    درس النهارده لكل الناس من اول اللى لسه فى الف باء التزام واللى اقل من كده كمان الى الدعاة
    النهاردة وقفتنا مع سورة من القرآن
    بس انا عايزة اسألك سؤال قبل مانتكلم..
    ها بدأتى تتشرطى اسألى وخلصينا..
    حاضر هاخلصك
    لو انت ربنا جاب اسمك فى اية من القران وشكر فيك مش تبقى انت غالى عنده
    مين انا ربنا يجيب اسمى فى القران دا انا ممكن يحصلى حاجة من الفرحة دا انا ممكن اطير فى السما
    طيب لو بقى جاب سورة وكتبها باسمك تبقى انت ايه عنده
    اكيد حاجه كبيرة اوى اكيد انت غالى اوى عنده
    يعنى احنا متفقين ان ربنا مش هاينزل سورة يتكلم فيها عنك ويشكر فيك الا ان كان بيحبك حب لا يوصف

    طيب وقفتنا النهاردة مع سورة "نوح"
    نوح..نوح ايه يا اختى عايزين دروس تساعدنا على الالتزام مش قصص ماحنا خاتمين المصحف قبل كده وقرأنا السورة

    هاقولك حاجة:
    انت لو قرأت سورة نوح ودخلت قلبك اوعدك تكون فى افضل مراتب الالتزام
    ليه يعنى دى سورة زى باقى السور وبقولك قراتها قبل كده عادى يعنى

    لأ يا اخى المرة دى انا هاكلمك عنها وانت هاتحس بيها زى ما انا حسه بيها من غير ما نقرأ اهو

    تعالى بقى ندخل فى الدرس..اسمع بقى..
    الاول تعالى نفكر نفسنا ان قبل سيدنا نوح عليه وعلى نبينا الصلاة والسلام ما يبعث للناس كان فيه عشر قرون الناس فيها مؤمنة بالله ومفيش حد كافر ولا حد مشرك ولا غيره
    كل الناس على التوحيد وكان لهم دعاه ربانيين بيدعوهم للتوحيد ويساعدوهم على التقرب الى الله ويحثوهم على كثرة الطاعات
    المهم ان الشيطان كان بيتفرج عليهم وهو حزين ومش قادر يعمل اي حاجة تخليهم يشركوا بالله لان مفيش باب واحد مفتوح فى وشه
    بعد العشر قرون يعنى بعد الف سنه الدعاة دول ماتوا ومعدش فيه حد بيساعد الناس عالطاعة بس مكنتش هى دى المشكلة
    المشكلة هنا ان الشيطان لقى باب اتفتح عشان يدخل منه للناس ويوسوس لهم بالشرك لكن هو ماقلهمش اشركوا بالله كده والا كانوا فهموا مراده واستعانوا بالله عليه لأ هو عمل حركة شبه ذكية يعنى بمعنى اصح وقعهم فى الفخ زى ما بيقولوا

    انتى هاتحيرينا ليه ماتتكلمى على طول
    ماشى
    الشيطان وسوس لهم وقال ماتوا الدعاة ومعدش فيه حد هايساعدكم عالطاعة طيب نعمل ايه .....اه لقيتها هى ايه دى اللى لقيتها، اقولكم..احنا نعمل تماثيل للدعاة اللى ماتوا دول وهم فى وضع الطاعة فا كل ما نشوفهم يحفزونا عالطاعة والتقرب لربنا
    بالفعل عملوا التماثيل اللى دعاهم ليها واللى بمعنى اصح اصنام هايعبدوها
    وبعد كده دخل من باب تانى اكبر قاللهم انتوا بتدعوا ربنا يا مقصرين ياللى مش بتقدروه حق قدره طيب ما هو مش هايقبل دعاكم انتوا ليكوا عين تطلبوا منه حاجه
    طيب هانعمل ايه يعنى ما حنا محتاجينه
    اقولكم بقى تعملوا ايه..مش انتوا محتاجينه بس مقصرين؟ طيب ما تروحوا تطلبوا اللى انتوا عايزينه من الدعاة دول وهما بقى معليهمش غبار ما قصروش فى حقه ابدا لو طلبوا منه هايديهم اللى هما عايزينه
    وهنا وقعهم فى الشرك والعياذ بالله
    ومن اللحظة دى بدأت دعوة سيدنا نوح عليه السلام
    بس خليكوا فاكرين ان كل ده حصل فى جيل واحد بس بعد مالناس عبدت ربنا عشر قرون
    وبعد كده جت دعوة نوح للتوحيد وربنا احياه فيهم عشر قرون كمان او بمعنى اصح 950 سنة
    ازاى ده بيصلح جيل واحد فى 950 سنه؟
    اه بيصلحه ما هو انت مش فاهم المعصية لو دخلت مجتمع بقت كانها فيروس مستوطن دخل جسم حد
    المعصية كانها ايدز فى المجتمع
    اديلك مثال:
    اول واحدة خلعت النقاب ورماته فى الارض بعدها كام الف عملوا زيها؟
    طيب بلاش دى اول شاب سقّط بنطلونه كام مليون شاب دلوقت كده؟
    بلاش دى كام واحدة لبست جينز ضيق بعد الموضة دى ما ظهرت؟

    ما هو اصل المعصية بتتفشى بين الناس احنا عندنا حب التجربة بنجرب اى حاجه غلط صح هانجرب
    طيب فكر كده بعد اول ناس قالت كول ومان وقشطة ويس وجيرل فريند وبوى فريند و......
    ايه يا شباب مانتوا عارفين كل ده

    يا جماعة خليكوا فاكرين اللى المجتمعات فيه ده مش ازمات اقتصادية ولا سياسية ولا اجتماعية ولاغيرة
    اللى احنا فيه من عنوسة وطلاق وزنا وزنا المحارم والحمل السفاح والفقر والبطالة والفشل وكل المشاكل دى من معاصينا وذنوبنا والحل اننا لازم نتغير
    محتاجين لدعاة بجد محتاجين لحد يعيش قضية دينة مش قضايا الدنيا محتاجين ناس تخاف ربنا وتساعدنا اننا نخاف من عذابه محتاجين حد ياخد ادينا ياشباب ياللى بتقول وانا مالى
    مالكم ايه يا شباب لو ماكنتش الدعوة هى مالكم امال مالكم فين امال هاتقابلوا ربنا بايه
    حاولوا يا شباب والله العظيم لو صدقتوا النية هاتوصلوا صح مهما كانت الظروف ومهما كان مستوى جهل الناس بالدين ومهما كان حجم الاعراض عن دعوتنا ومهما عملوا فينا الناس واذونا ومهما ضاع وقتنا مع ناس حطت صوابعها فى ودانها المهم ربنا شافك بتعمل ايه المهم انه شافك بتدعى لسبيله

    المهم نتكلم عن نوح بقى:
    سيدنا نوح اللى وقف لربنا بعد 950 سنة دعوة فى سبيل الله يقدم لربنا كشف مفصل بكل اللى عمله فى حياته وقف يحكيله اد ايه تعب واد ايه دعا الناس واعرضوا عنه واد ايه اذوه واد ايه ....
    واقف ادام ربنا بيحكيله وهو بيتحسر وبيتندم على قومه واقف ادام ربنا وهو حزين وملا حول ولا قوة الا باللهور وقلبه بيتقطع حاسس بحسرة وبمرار خارج من قلب داعية صادق قلبه اتحرق من الزعل

    تعالوا نشوف ربنا حكالنا عنه ايه وايه الحوار اللى بنستنتجه من السورة
    ربنا بيقول ان نوح قاله {قال رب إنى دعوت قومى ليلاً ونهاراً}
    يعنى ايه؟ يعنى يارب انا دعيتهم ليك ونهار ما فترتش عن دعوتهم يارب عشت ادعوهم وبس يارب مانمتش يارب ماتكلمتش فى حاجة غير الدعوة اليك يارب ماسبتهمش يارب فضلت وراهم ليل ونهار يارب مارتحتش ابدا يارب مارتحتش ابدا يارب 24 ساعة شغال عندك يارب ما بسبش الشغل ساعة واحدة فى اليوم حضور بلا انصراف يارب عايش الدعوة طول الوقت يارب ماليه قلبى يارب جبت اخرى معاهم
    {فلم يزدهم دعاءى إلا فرارا}
    يعنى ايه؟ شفت كلمة دعاءى دى ياااااه انت اد ايه ملهوف على دعوة قومك وايمانهم يانوح نوح كان واقف بيدعوهم وكانه واقف فى طريق وفى اتجاه منه نار ولقى شاب بيجرى ورايح عالنار يمسكه ويشده ويقوله تعالى يابنى تعالى انت رايح على فين ارجع يابنى هاتحرق نفسك وتموت يقوله انت مجنون ولا ايه مانتش شايف الدنيا هناك اهه ومتعها وشهواتها يقوله يابنى دى نار والله العظيم نار يقوله لا دى جنة يقوله يابنى بيتهيألك "حفت النار بالشهوات" يقوله ابعد عنى انت عايز تضيع عليا متع الدنيا ليه ابعد عنى انا بحبها يقوله يابنى والله نار يجرى الشاب ويرمى نفسه فى النار وذهب بلا عودة
    بيفكرنى الموقف ده بالشاب اللى ييجى واحد يدعوه يابنى حرام عليك ماتضيعش نفسك ارجع لربنا توب اليه اوعى تموت على معصية يقوله....
    انت مالك انا حر انت عايز تسرق فرحتى التحى ايه واربى دقنى ليه اضيع احلى سن فى عمرى فى كلام فارغ واتجوز واحده بقى معقدة لبسالى نقاب وكل حاجه حرام حرام واقصر بنطلونى واصحابى يضحكوا عليا ابعد عنى يقوله الداعية يابنى افهم بس كل دى حاجات صعبه فى الاول بس هاتتعود وتلاقى نفسك عايش عادى بس فى طاعة ربنا
    يرد عليه بعصبيه يا اخى انا حر انا بكره الالتزام والملتزمين انتوا معقدين كده ليه يقولوا يابنى ياحبيبى "حفت الجنة بالمكاره" يقوله خليكوا انتوا فى الجنة انا عايز اعيش حياتى يا معقدين عايزينى ابقى عريس وليلة فرحى تشغلولى قران وتقولوا الجنه امال افرح ازاى يقوله يابنى القران طاعه لله انما الاغانى معصية يرد بغباء ويقوله انت مالك هو انت اللى هاتتحاسب مكانى اما تدخل القبر مكانى ابقى اتكلم

    ليه يا شباب كده بتضيعوا نفسكم ليه مش احنا كل اللى عايزينه نتمتع ونعيش حياتنا طيب تعالوا نعيش الحياة الصح الحياة الابدية اصلنا لما نموت هانعرف ان الدنيا كانت يوم او كام ساعة مش عمر يتحسب انما الجنة خلود بلا موت والنار برضه خلود بلا موت

    {وإنى كلما دعوتهم لتغفر لهم جعلوا أصابعهم فى آذانهم واستغشوا ثيابهم وأصروا واستكبروا استكبارا} يعنى ايه؟
    يعنى يارب كلما زادت دعوتى ليهم كل ما حطوا صوابعهم فى ودانهم عشان ما يسمعوش اصل انتوا مش فاهمين الناس دى مش مهمش عارفين ربنا الناس دى عارفه ربنا بس مش عايزه تسمع عنه
    زى الشباب والبنات دلوقت تقوله يابنى التزم يقولك فكك منى التزم انت بعيد عنى خليك فى حالك ياعم بدل ما اسيبلك المكان وامشى
    والاصعب من ده شاب زوجته ملتزمة تحاول معاه وتدعوه يتخانق معاها ويخلى حياتها كلها هم طول ماهى بتدعوه لكن لو جابتله اغنيه تبقى بتفهم لو حكتله فيلم شافته تبقى يا سلام عليها لو فضلت تضحك عليه وسايباه يعيش اعمى ومش عارف ربنا تبقى حبيبة قلبه لكن لو دعاته اقل حاجه يقولها انت مالك انت مابتفهميش مش عايز اسمع منك حاجه انا زهقت منك التزام ايه وقرف ايه اللى قرفانى بيه ملعون ابوا اليوم اللى التزمتى فيه انت لو كنتى كده قبل الجواز مكنتش اتجوزتك
    طيب ماشى ماهى اصلا لو كانت التزمت قبل الجواز مكنتش قبلت تربط حياتها بيك كانت اختارت واحد يساعدها عالالتزام مش واحد يضيع حياتها اد ايه حاجه مقرفة انك تبقى قاعد ادام التليفزيون تتفرج على فيلم وهى دموعها محبوسة فى عنيها مش قادرة تنزل خوف من ان يحصل مشكلة
    ان قالتله قوم صلى يقول لا مش قادر هاجمع الصلاه ياحبيبى الصلاة تجمع للمريض او المسافر انت مالك انت ماعندكيش دم انا تعبان طيب ما انت بتلعب عالكمبيوتر من ساعتها تعبت دلوقت؟
    حاجة فعلا محزنة ومش بس محزنة دى مقرفة
    البنت يا عينى بتكره جوزها وبتكره حياتها ومهما كان حبه فى قلبها بيسهل عليها فراقه والبعد عنه حتى لو عايشين فى بيت واحد
    والزوج اللى يقول لزوجته قومى صلى سيبنى دلوقت انا تعبانه طيب انت تعبتى وانتى بتطبخى ؟ تعبتى وانت بتتفرجى على المسلسل وادامك البامية بتأمعيها حاجه غريبة بجد

    والموقف ده برضه كأن الشاب ده لما بيلاقى حد بيدعوه بيقفل ودنه عشان عارف ان ده كلام ربنا ولو دخل ودنه هايدخل على قلبه طوالى طيب هايعمل ايه هايسمع لأ الشيطان هايساعده يقفل ودنه وكأنه بيقول مش عايز اسمعك مش عايز التزم مش عايز ربك انا عارفه لكن مش بحبه ابعد عنى انا عايز افضل فى الغيبوبة
    ليه يابنى كده؟ هو كده، هاتموت عارف طيب لما انت عارف هاتتحمل النار؟ ازاى انتى مالك انا كده مش هاتغير ليه بس كده ادى لنفسك فرصة ، لأ مش عايز فرص انا عايز جهنم بس اعيش الدنيا يابنى الدنيا مجرد لحظات لعب ولهو لأ هى دى حياتى انا عايزها كده..سبحان الله
    {ثم إنى دعوتهم جهاراً}
    يعنى الرجل نزل الشارع فى وسط الناس يدعوهم كأنه جايب ميكرفون وبيتكلم فيه يمكن يحسوا زى اللى بينزل يقطع تذكرة فى المترو ويفضل قاعد يكلم الناس عن ربنا وكل شوية يعلى صوته اكتر فكل اللى فى العربية يسمعوه وكده زى كمان الداعية اللى بيطلع فى التليفزيون يكلم الناس عن ربنا
    نزل نوح الشارع يدعوا الناس من غير ما يمل ولا يتحرج ولا يتكبر من اعراضهم عنه.
    {ثم إنى أعلنت لهم وأسررت لهم إسراراً}
    يعنى ماهمنيش يارب طلعت وقفت فى وسطهم وكلمتهم عنك واذونى اوى يارب ضربونى يارب قطعونى يارب ادموا وجهى يارب سيدنا نوح كانوا بيضربوه لحد ما يغمى عليه يفكروه مات يلفوه فى حصير ويرموه فى اى حته لحد ما يفوق يرجع لهم ويدعوهم تانى
    يعنى كأنه بيقول يارب رحتلهم اماكن شغلهم واماكن لهوهم واجتماعهم ومع ذلك ما استجابوش ولما لقيت الاعلان مش جايب نتيجة اسررت لهم رحت لكل واحد فى بيته ودعيته منهم اللى طردنى ومنهم اللى ضربنى ومنهم اللى بصق فى وشى ومنهم اللى سبّنى ومنهم اللى حاول يقتلنى بردت وشى يارب ورحتلهم مرات ومرات وهما معرضين
    كرهونى يارب الاطفال كانوا من كتر ما بيخوفوهم منه كانوا يشوفوه يرجموه بالطوب
    كانوا بيخلوه ماشى فى الشارع ويقولوا مجنون تتحملها دى انك حد يخليك ماشى ويجرى وراك ويقول مجنون؟

    طيب ماهو ممكن تكون انت يانوح اللى اسلوبك منفعش معاهم يعنى هما ما ستوعبوش الكلام اللى انت بتقوله؟

    وبذلك نكون قد انهينا الجزء المخصص من الدرس لهذا اليوم
    انتظروا الجزء الثانى غداً بإذن الله
    سبحانك اللهم وبحمدك نشهد أن لا إله إلا أنت نستغفرك ونتوب اليك

    والسلام عليكم ورحمة الله وبركاته


      الوقت/التاريخ الآن هو الجمعة مارس 29, 2024 10:15 am